amrutkamal logo
contact number amrutkamal agro
એફ-૧૦૪, સ્વાગત ફ્લેમીંગો કોમ્પલેક્ષ, સરગાસણ ચોકડી પાસે,
સરગાસણ, તા-જી-ગાંધીનગર, ગુજરાત- ૩૮૨૪૨૧,
ફોન નં- ૬૩૫૬૧૦૦૦૩૮, ઈમેલ- amrutkamal@gmail.com
જય જવાન...    જય કિસાન...    જય વિજ્ઞાન...  
activites Amrutkamal   દિવેલાનાં પાક વિશે ....
પાક વિશે માહિતી
• સારી નિતારવાળી, મધ્યમકાળી, ગોરાડું અને રેતાળ ગોરાડું ફળદ્રુુપ જમીન પસંદ કરવી. સૂકી આબોહવા વધારે અનુકૂળ છે.

• ઉનાળામાં ઉંડી ખેડ કરવી, વાવણી વખતે હળની બે ખેડ કરી, જમીન સમતલ કરીને ચોકડી પાડી વાવણી માટે જમીન તૈયાર કરવી.

• પિયત દિવેલાની વાવણી માટે ભલામણ કરેલ જીએયુસીએચ-૧, જીસીએચ-ર, જીસીએચ-૪, જીસીએચ-પ અને જીસીએચ-૭ જાતોના પ્રમાણિત બીજ વાપરવું.

• બિનપિયત દિવેલાની વાવણી માટે ભલામણ કરેલ જીસીએચ-ર, જીસીએચ-પ અને જીસીએચ-૬ જાતોના પ્રમાણિત બીજનો ઉપયોગ કરવો.

• વાવણી પહેલાં બીજને ફૂગનાશક દવા થાયરમ ૩ ગ્રામ / કિ.ગ્રા. અથવા બાવીસ્ટીન ૧ ગ્રામ / કિ.ગ્રા નો પટ આપવો.

• જીએયુસીએચ-૧, જીસીએચ-ર, જીસીએચ-૪ જાતોની વાવણી ૧પ ઓગસ્ટ આસપાસ ૧ર૦ × ૬૦ સેમી અંતરે કરવી.

• જીસીએચ-પ અને જીસીએચ-૭ની વાવણી ઓગસ્ટ માસના અંતમાં ૧પ૦ × ૧ર૦ સેમીના અંતરે કરવી.

• બિનપિયત દિવેલાની વાવણી વાવણી લાયક વરસાદ થયેથી જુલાઈ માસના બીજા પખવાડીયા સુધીમાં ૯૦ × ૬૦ સેમી અંતરે કરવી.

• હેકટર દીઠ ૧૦ ટન છાણીયુ ખાતર અથવા ૧ ટન દિવેલ ખોળ વાવણી પહેલાં જમીનની ફળદ્રુપતા જાળવવા આપવો.

• પિયત દિવેલા માટે ભલામણ મુજબ ૧૮૦-૩૭.પ-૦૦ દ.છ કિ.ગ્રા./હે. મુજબ ખાતર આપવું. નાઈટ્રોજનના ચાર સરખા હપ્તા કરવા. ફોસ્ફરસ, ગંધક ર૦ કિ.ગ્રા./હે. તથા નાઈટ્રોજનનો પ્રથમ હપ્તો પાયામાં વાવણી વખતે આપવો.નાઈટ્રોજનના ત્રણ હપ્તા વાવણી પછી ૩પ-૪૦, ૬પ-૭૦ અને ૯પ-૧૦૦ દિવસે ભેજમાં આપવા.

• બિનપિયત દિવેલા માટે ભલામણ મુજબ ૬૦-૩૦-૦૦ દ.છ / હે. મુજબ ખાતર આપવું. નાઈટ્રોજનના બે સરખા હપ્તા કરવા. ફોસ્ફરસ, ગંધક ર૦ કિ.ગ્રા./હે. તથા નાઈટ્રોજનનો પ્રથમ હપ્તો પાયામાં વાવણી વખતે આપવો. નાઈટ્રોજનનો બીજો હપ્તો વાવણી પછી ૩પ-૪૦ દિવસે ભેજમાં આપવો.

• ૬૦ દિવસ સુધી પાકને નિંદામણ મુકત રાખવા માટે બે આંતર ખેડ તથા ૧ થી ર વખત હાથથી નિંદામણ કરવું.

• દિવેલા-મગ (૧:૩), દિવેલા-તલ (૧:ર), દિવેલા-બીટી કપાસ (૧:૧), દિવેલા-મગફળી (૧:૩) આંતર પાક લેવાથી વધુ નફો મેળવી શકાય છે.

• પિયત દિવેલા માટે ભલામણ મુજબ ૬ થી ૮ પિયત આપવા. વરસાદ બંધ થયેથી એક માસ બાદ ૪ પિયત ૧પ-ર૦ દિવસના અંતરે અને ત્યારબાદ ર૦-રપ દિવસના અંતરે આપવા. ટપક સિંચાઈ પધ્ધતિથી ર૪% પાણીનો બચાવ થાય છે. તથા ૩૬% વધુ ઉત્પાદન મળે છે.

• સૂકારો તથા મુળના કહોવારા જેવા જમીનજન્ય રોગના નિયંત્રણ માટે બીજને ફૂગનાશક દવાનો પટ આપવો, ઉનાળામાં ઉંડી ખેડ, પાકની ફેરબદલી કરવી, છાણીયા ખાતરનો ઉપયોગ અને લીલો પડવાશ કરવો. સૂકારો રોગપ્રતિકારક જાત જીસીએચ-૭ ની વાવણી કરવી. મૂળના કહોવારાના નિયંત્રણ માટે ગરમીમાં ટૂંકા દિવસે પિયત આપવું તથા રોગપ્રતિકારક જીસીએચ-ર અને જીસીએચ-૬ જાતોની વાવણી કરવી.

• ઘોડીયા ઈયળના નિયંત્રણ માટે કવીનાલફોસ (૦.૦પ%) ર૦ મીલી અથવા કલોરપાયરીફોસ (૦.૦૪%) ર૦ મીલી અથવા મોનોક્રોટોફોસ (૦.૦પ%) ૧ર.પ મીલી ૧૦ લીટર પાણીમાં ઓગાળી ૧પ દિવસના અંતરે બે છંટકાવ કરવા.

• કાતરા / ડોડવા કોરનાર ઈયળના નિયંત્રણ માટે મિથાઈલ પેરાથીઓન ર ટકા અથવા કવીનાલફોસ ૧.પ ટકા ભૂકી રપ કિ.ગ્રા. / હે. ઉડાડવો.

• થિ્રપ્સ, તડતડીયા, સફેદ માખીના નિયંત્રણ માટે મોનોક્રોટોફોસ (૦.૦પ%) ૧પ મીલી અથવા ડાયમીથોએટ (૦.૦૩%) ૧પ મીલી ૧૦ લીટર પાણીમાં ઓગાળી છંટકાવ કરવો. સફેદમાખીના નિયંત્રણ માટે એસીફેટ ૧પ ગ્રામ અથવા મીથાઈલ પેરાથીઓન (૦.૦પ%) ૧૦ મીલી અથવા ઈથીઓન (૦.૦પ%) ર૦ મીલી અથવા લીબોડીનું તેલ પ૦ મીલી ડીટરજન્ટ પાવડર ૧૦ ગ્રામ ૧૦ લીટર પાણીમાં ઓગાળી છંટકાવ કરવો.

• છોડની માળો પીળી પડે અને અંદાજીત ૧૦ ટકા ડોડવા પાકી જાય ત્યારે સમયસર કાપણી કરવી. કાપણી મોડી કરતા ગાંગડા ખરી પડે છે તથા નવી માળો ફુટવામાં વિલંબ થતાં ઉત્પાદન ઘટે છે. કાપેલી માળોને ખળામાં સૂકવી દિવેલાના થ્રેસરથી દાણા સાફ કરી ઉત્પાદન વેચાણ માટે તૈયાર કરવું.

Visitor Hit Counter